Лондоннинг "Арсенал" клуби футболчиси Николя Пепе фаолиятини Каталониянинг "Барселона" клубида давом эттириши мумкинлиги ҳақида TodoFichajes нашри хабар тарқатмоқда.
Манбанинг ёзишига қараганда, "канонирлар" ўзининг ивуарлик ҳужумчиси билан 40 миллион евро эвазига хайрлашишга тайёр.
Каталониялик ўз ҳужум чизиғини кучайтириш ниятида ва яқин вақтлар ичида ушбу битимни амалга ошириш учун дастлабки қадамни ташламоқчи.
25 ёшли Пепе жорий мавсум "Арсенал" таркибида 14 та учрашув ўтказди ва 4 та гол киритиб, иккита голга ассистентлик қилди. "Арсенал" бир ярим йил аввал Пепени 80 миллион еврога сотиб олганди.
