Лондоннинг «Арсенал» клуби ярим ҳимоячиси Томас Парти жамоасининг бир нечта ўйинларини ўтказиб юборади. Бу ҳақда «канонирлар» бош мураббийи Микель Артета хабар берди.

«Бу жиддий жароҳат эканлигини билгандик. Томас таркибга қайтиш учун қаттиқ ишламоқда. Умид қиламанки, бу тез фурсатларда содир бўлади, лекин биз футболчини авайлаш учун эҳтиёт бўлишимиз керак. Жамоанинг яқин келажакдаги бир қатор ўйинларида у иштирок этади деб ўйлайман», – Артетанинг сўзларидан иқтибос келтирмоқда Goal портали.

Парти 8 ноябрь куни «Астон Вилла» клубига қарши ўйинда сонидан жароҳат олганди.Ўшанда бери у майдонга тушмади.