«Барселона» бош мураббийи Роналд Куман Чемпионлар лигаси гуруҳ босқичининг 5-тури доирасида «Ференцварош»га қарши ўйин (3:0) борасида ўз фикрини билдириб ўтди.

«Биз биринчи бўлимни аъло даражада ўтказдик. Вазиятлар яратдик ва чиройли голлар урдик ва яхши ритмда ҳаракатландик. Умид қиламан, чемпионатда ҳам шундай ўйнашда давом этамиз.

Энг муҳими — биз кейинги босқичдамиз. Лекин биз сўнгги турда ҳам ғалаба қозониб, гуруҳ ғолибига айланишни истаймиз. Бизга 18 очко керак.

Таркибда яхши йигитлар йиғилган. Шу боис, баъзи ўйинчиларга дам олиш имкониятини бердик. Майдонга тушганлар эса бунга ҳақли бўлишди.

Футболчининг ўйини ўзига бўлган ишончга боғлиқ. Гризманн ўз ўйинини яхшилаш ва жамоага фойда келтириш учун ҳамиша бор кучи билан меҳнат қилади. Ниҳоят унинг зарбаларидан кейин тўп тўрга бориб туша бошлади. Умид қиламан, у шундай руҳда давом этади.

Дембеле – ажойиб футболчи. У тезкор ва ҳар икки оёғида самарали ўйнай олади. Энг муҳими — у соғлом ва сидқидилдан ишламоқда», – деди Куман.