Хабарингиз бор, 6 декабрь куни аёллар футболи бўйича Ўзбекистон кубоги финал баҳси бўлиб ўтади. Унда “Сўғдиёна-W” ҳамда “Бунёдкор-W” жамоалари ўзаро баҳс олиб боради. Мазкур баҳс Жиззах шаҳридаги “Сўғдиёна” марказий стадионида бўлиб ўтади.
Ушбу учрашувни юқори савияда ташкил этиш, ОАВ орқали ёритиш, ўйиндан эксклюзив лавҳалар, фотосуратлар тайёрлаш, интервьюлар уюштириш мақсадида ЎзПФЛ барча турдаги ОАВ ходимлари учун шароит яратишни мақсад қилган. Шу боис, ушбу беллашувни бевосита стадиондан туриб ёритиб бориш истагида бўлган ОАВ вакиллари учун автобус ташкил этилади. Бунинг учун ОАВ ходимларидан ўзлари ҳақидаги маълумотни info@pfl.uz электрон почтасига юборишлари сўралади.
