«Барселона» президенти вазифасини бажарувчи Карлес Тускетс жамоанинг молиявий аҳволи ҳақида маълумот берди.

Бир неча кун аввал «Барса» футболчилар билан маошларни пасайтириш борасида келишувга эришгани ҳақида маълумот тарқатган эди. Ушбу чора оқибатида жамоа 122 млн еврони тежайди.

«Янги президент буни ўзгартириши мумкин. Ҳозирги ҳолатимиз шундайки, ўйинчиларга январь ойи учун маош тўлай олмаймиз. Улар буни тўғри тушунишлари керак.

Биз маслаҳат берувчи орган ҳисобланамиз, қарор қабул қилиш учун ваколатга эга эмасман. Қарзимиз ошганидан хурсанд бўлганим йўқ, аммо коронавируснинг таъсирини ҳеч ким тахмин қила олмасди.

Вазият бизни хавотирга солмоқда, аммо ҳолатдан чиқиб кетишимизга ишонамиз. Ўйинчилар январь ойида маош олишмайди. Ушбу маошлар бошқа тўловлар каби бош муддатга қолдирилади. Масалан, мусобақаларда ғолиб чиққанлик учун бонусларни тўлаб бериш ҳам бошқа муддатга қолдирилади», – деди Тускетс.