Футбол тарихида биринчи марта ўтказилиши режалаштирилаётган Европа Футбол Конференциялари Лигаси (ЕФКЛ) финал ўйини Албания пойтахти - Тирана шаҳрида бўлиб ўтадиган бўлди, дея хабар бермоқда УЕФА расмий сайти.
Конференциялар Лигаси 2021/22 мавсум финали 25 май куни Тиранада 2019 йилнинг октябрь ойида очилган миллий стадионда бўлиб ўтади.
Конференциялар Лигаси - нуфузи жиҳатдан Европа Лигасидан сўнг, Европада учинчи ўринда турадиган мусобақа саналади. Ушбу турнир келаси мавсумдан бошланади. Унинг ғолиби Европа Лигасининг келаси йилги мавсумига йўлланмани қўлга киритади.
