Европа Лигасининг 5-тур доирасида аввалроқ бўлиб ўтган ўйинлардан сўнг, плей-офф босқичига йўл олган айрим жамоаларнинг номлари маълум бўлди.

Турнирнинг 1/16 финал босқичига «Милан», «Тоттенхэм», «Вильярреал», «Лилль», «Брага», «Црвена Звезда», «Динамо» (Загреб) ва «Антверпен» клублари йўл олишди.

Аввалги турдан кейин эса ушбу йўлланмани «Арсенал», «Рома», «Лестер» ва «Хоффенхайм» клублари нақд қилиб қўйишганди.