Италиянинг "Наполи" клуби ҳужумчиси Дрис Мертенс Европа Лигасининг 5-турида "АЗ Алкмар" (1:1) жамоаси билан қайд этилган натижа ҳақидаги фикрлари билан ўртоқлашди.
- АЗ ҳақиқатдан ҳам яхши жамоа ва уларни ёрқин келажак кутмоқда. Улар босим остида ҳам ўйнашни уддалай олишади. Лекин "Наполи" гуруҳда барибир биринчи ўринда ва олдимизда уй ўйинимиз турибди. Иккинчи бўлимни бошида тўп билан яхши муомала қилишни бошладик. "Наполи" ўз ўйинини намойиш эта олмади ва рақибга ўйнаш учун имконият бериб қўйди. Кейин эса бироз назоратни йўқотдик, — Мертенснинг сўзларидан иқтибос келтирмоқда УЕФА расмий сайти.
