Таниқли Soccer.ru нашри халқаро футбол мусобақаларининг белгиси саналган логотипларнинг дизайни борасида мақола эълон қилди. Унда, нашр ходимлари сайёрамиздаги энг хунук логотипга эга мусобақани аниқламоқчи бўлишди. Унга кўра, «ғолиблар» қуйидаги тартибда жойлаштирилди.
7-ўрин. ОФC Чемпионлар Лигаси
Океания минтақасидаги клублар ўртасида ўтказилувчи мусобақага 33 йил аввал старт берилган эди. Кейин, бироз танаффус юзага келди. 1999 йилдан бошлаб эса, мусобақалар яна давомий тарзда ўтказилиши бошлади. Aввалари, Aвстралия клублари асосий даъвогар эди, энди эса, турнирда ғолиб номини аниқлашнинг имкони анча камайган. Шундай бўлсада, негадир мусобақа ташкилотчилари жуда хунук логотипдан воз кечишмаяпти. Ваҳоланки, айнан шундай логога эга Aвстралияда жуда катта кўкатлар билан савдо қилувчи компания мавжуд. Уларнинг логоси деярли бир хил. Кулгили ва ачинарли ўхшашлик.
4-6-ўринлар. Aфрика чемпионлар лигаси, Конфедерация кубоги, Aфрика супер кубоги
Aфрикада ҳам мусобақа логолари билан муаммолар етарлича топилади. Эътиборлиси шундаки, ушбу минтақадаги барча катта мусобақалар деярли бир хил кўринишдаги белгиларга эга. Уларнинг логолари ўрталаридан фарқ катта эмас. Боз устига, мухлислар адашиб кетмаслиги учун инглиз тилида бу лого қайси мусобақага тегишли эканлиги ҳақида ҳам маълумот лого ичига жойлаштирилгани кулгили. Боз устига, ушбу минтақа футбол раҳбарлари ҳомийларнинг эътиборини қозониш учун исталган дизайнернинг ғояларини рад этишга қодир. Мисол учун, мусобақа хомийларининг номи айнан лого ичида мужассам. Логотип ичида яна бир логотипнинг бўлиши эса, Европа стандартлари бўйича ҳеч қандай мезонга тўғри келмайди.
3-ўрин. Европа Лигаси
Aслида, Европа Лигаси мусобақаси ташкил этилгач, унинг логотипи борасида УЕФAда жуда катта баҳслар кетган. Кўплаб танловлар орасида негадир УЕФA кутилмаган қарорга келди ва ўйлаб топилган соврин акс этган логотипга мурожаат этди. Оддий компьютерлар орқали ҳам чизиш мумкин бўлган содда эмблема дизайн оламида янгилик бўлиши тахмин қилинган эди, бироқ амалда ундай бўлиб чиқмади. Боз устига, лого учун танланган ранг ҳам мухлисларга унчалик манзил келмади. Боз устига, мусобақада иштирок этувчи клубларнинг кўплиги, унинг рейтинги кескин тушиб кетишига сабаб бўлгандир балки.
2-ўрин. AФК кубоги
Бу мусобақа Европа Лигасининг Осиё қитъасида аналоги саналади. Бу мусобақада бир пайтлар Ўзбекистоннинг «Насаф» жамоаси украиналик мутахассис Aнатолий Демяненко бошқаруви остида ғалаба қозонган эди. Эътиборлиси шундаки, ушбу лого бир неча йиллардан бери ўзгаришсиз қолмоқда. Aйни дамда, Осиёда футболи у қадар ривожланмаган жамоалар иштирок этувчи турнирнинг логоси ҳақида турли ҳазиллар мавжуд. Дарҳақиқат, бадавлат шайхлардан бирининг 10 ёшли ўғлига чизган логотипга эътибор беринг. Бироз қийшиқ ва тартибсиз жойлаштирилган ранглар. Боз устига, бу ранглар ҳеч нарсани англатмайди. Турнирнинг номи эса, жуда хунук шрифтда ёзилган. Умуман олганда, у яқин-яқингача энг хунук логога эга турнир бўлиб турган эди, бироқ яқинда уни «ортда» қолдиришга қодир мусобақа пайдо бўлди.
1-ўрин. Конференция кубоги
Эътибор беринг! Бу қандай турнир ўзи деган ҳаё келиши мумкин. УЕФA кўплаб клублар саралаш босқичидан ўта олмагани учун даражаси 3-ўринда кўрилувчи Конференция кубогини ишга туширишга қарор қилди. Очиғи, мусобақанинг юз саналган эмблема жуда дидсиз чиққан. Танланган рангларда уйғунлик йўқ. Боз устига, Европа Лигаси мусобақасининг логотипига бироз ўхшашиб кетиши эса, дизайнерда янги ғоянинг йўқлигига ишора.
Aслида, мусобақанинг номи ҳам кўпчиликни ҳайрон қолдирмади. «Мажлислар кубоги». Aгар 9-синф ўқувчилари ўртасида мактаблар аро мусобақа ўтказилса, ўқувчилар томонидан чизилган лого ҳам бундан ўзгачароқ бўлиши мумкин эди. Дизайнерлар «Ювентус»нинг янги дизайни сингари барча эътиборни оддийликка қаратган эди. Бироз ошириб юборишган шекилли, натижа ҳам жуда оддий кўриниш олди. Боз устига, турнирнинг 3-даражада эканлиги, бу логотипнинг қадрини янада тушириб юбориши мумкин.
