"Бавария" клуби ва Германия терма жамоаси дарвозабони Мануэль Нойер Халқаро футбол тарихи ва статистикаси федерацияси (IFFHS) версияси бўйича 2020 йилнинг энг яхши посбони деб топилди.

Германиялик дарвозабон ўтказилган сўровномада 320 очко тўплади. У яқин таъқибчиси "Атлетико" посбони Ян Облакни ортда қолдирди (40). Учинчи поғонани эса "Ливерпуль" дарвозабони Алиссон банд этди (30).

34 ёшли Нойер фаолияти давомида бешинчи марта IFFHS томонидан йил дарвозабони деб топилди. Ушбу кўрсаткич бўйича у Икера Касильяс ва Жанлуиджи Буффонга етиб олди.

IFFHS версияси бўйича 2020 йилнинг энг яхши дарвозабонлари рейтинги:

1. Мануэль Нойер ("Бавария") — 320

2. Ян Облак ("Атлетико") — 40

3. Алиссон ("Ливерпуль") — 30

4. Тибо Куртуа ("Реал") — 15

5. Марк-Андре тер Штеген ("Барселона") — 10

6-8. Каспер Шмейхель ("Лестер") — 5

6-8. Кейлор Навас (ПСЖ) — 5

6-8. Самир Ханданович ("Интер") — 5.