"Манчестер Юнайтед" ярим ҳимоячиси Хуан Мата "Барселона" сардори Лионель Месси "Манчестер Сити" сафига ўтиши мумкинлиги ҳақидаги хабарга ўз фикрини билдириб ўтди.
"Месси фаолиятини "Сити"да давом эттирадими? Умид қиламан, бундай бўлмайди. Агар Лео Манчестерга келишни истаса, у бизнинг жамоага ўтишини хоҳлардим. Бу "Юнайтед"нинг фойдасига хизмат қилади, деб ўйлайман.
Биласизми, аввалроқ Криштиану Роналду "Манчестер Юнайтед"га қайтиши ҳақида миш-мишлар тарқалган эди. Лекин бу иш амалга ошмади. Профессионал футболда шуни тушундимки, сени қўлингда бўлган нарсага аҳамият қаратиш керак, сенинг ихтиёрингда бўлмаган нарсаларга эмас", - деди Мата "Tribal Football"га берган интервьюсида.