Миланликлар Бразилиянинг «Флуминенсе» клуби ҳужумчиси Маркос Пауло ўйинларига қизиқиб қолишган.
Таниқли журналист Жанлука ди Марционинг хабар беришича, Маркоснинг шартнома муддати келаси йил ёзда якунига етади ва «нерадзурри» раҳбарияти уни тезроқ қўлга киритиш ниятида. Музокаралар қишда олиб борилиши режалаштирилмоқда.
Шунингдек, 2001 йилда таваллуд топган футболчи учун даъвогарлар рўйхатида "Барселона" ҳам бор.
Маълумот учун, Пауло ўз клубида 19 та учрашувда майдонга тушиб, 1+2 натижани қайд этган.
