Италиялик ҳужумчи Марио Балотелли Италия "Б" Сериянинг «Монца» клуби билан шартнома тузишдан аввалги фикрлари билан ўртоқлашди.
Аввалроқ «Монца» Марио Балотелли билан шартнома борасида келишувга эришгани ҳақида хабарлар тарқалганди. Ҳозирча шартнома шартлари маълум эмас, бироқ, Балотелли «Монца» таркибида фаолиятини давом эттиришини тасдиқлади.
«Менга клуб президенти Берлускони ва бош директори Адриано Галлианилар имконият беришгани учун миннатдорман. Мен «Монца» клубини А Серияга олиб чиқаман. Бунга кучим етади.
«Монца»да ўйнаш мен учун жуда қулай бўлади, чунки клубнинг ҳозирги раҳбарлари – «Милан»нинг собиқ функционерлари саналади, — деди Балотелли.
