Италиянинг «Интер» ярим ҳимоячиси Кристиан Эриксен «Болонья» клубига қарши ўйинда жамоа бош мураббийи Антонио Контенинг ҳатти-ҳаракатларидан ғазабланди.
Эслатиб ўтамиз, Конте Эриксенни учрашув якунланганлигини билдирувчи ҳуштак чалиниши арафасида майдонга туширди. Ўшанда учрашувнинг 91-дақиқаси ўтиб бораётганди ва «нерадзуррилар» 3:1 ҳисобида олдинда бораётганди.
Эриксен ўзига нисбатан бундай муносабатни қабул қила олмайди ва қишда жамоани тарк этишга астойдил бел боғлаган. Миш-мишларга қараганда, даниялик ярим ҳимоячи Англия чемпионатига қайтмоқчи. Кристианга мунтазам ўйин амалиёти керак, чунки Европа Чемпионатида иштирок этиши керак.
