Italiyaning «Inter» yarim himoyachisi Kristian Eriksen «Bolonya» klubiga qarshi o‘yinda jamoa bosh murabbiyi Antonio Kontening hatti-harakatlaridan g‘azablandi.

Eslatib o‘tamiz, Konte Eriksenni uchrashuv yakunlanganligini bildiruvchi hushtak chalinishi arafasida maydonga tushirdi. O‘shanda uchrashuvning 91-daqiqasi o‘tib borayotgandi va «neradzurrilar» 3:1 hisobida oldinda borayotgandi.

Eriksen o‘ziga nisbatan bunday munosabatni qabul qila olmaydi va qishda jamoani tark etishga astoydil bel bog‘lagan. Mish-mishlarga qaraganda, daniyalik yarim himoyachi Angliya chempionatiga qaytmoqchi. Kristianga muntazam o‘yin amaliyoti kerak, chunki Yevropa Chempionatida ishtirok etishi kerak.