«Бавария» ҳужумчиси Роберт Левандовски "FourFourTwo" журнали томонидан ўтказилган сўровнома якунларига кўра йилнинг энг яхши футболчиси деб топилди.

Сўровномада 101 мамлакатнинг 101 журналисти иштирок этди. Биринчи ўринда кўрсатилган футболчига 6 балл, иккинчи ўриндаги ўйинчига — 4 балл, учинчи ўринга — 3 балл, 4-ўринга — 2 балл ва бешинчи ўринда қайд этилган футболчига 1 балл берилди.

Журналистларнинг 87 нафари польшалик форвардни биринчи ўйинга қўйди. Натижада Левандовски 561 очко тўплади.

32 ёшли футболчи ўтган мавсумда барча мусобақалар доирасида 47та ўйинда майдонга тушиб, 55та гол урди ва 10та голга узатма берди. "Бавария" эса треблни расмийлаштирди.

Левандовски жорий мавсумда 15та учрашувда 15та гол муаллифига айланди.