«Барселона» ярим ҳимоячиси Миралем Пьянич клубда кам ўйин амалиётига эга бўлаётгани учун ўз норозилиги билдирди.

«Очиғини айтсам, нима учун бундай вазиятга тушиб қолганимни билмайман. Мен кўпроқ ўйнашни истайман. Жамоага фойдам тегиши мумкинлигини биламан. Мураббий мени майдонга туширган ўйинларда ўз вазифамни яхши бажаряпман. Мен яхши ўйинлар ўтказдим. Бундай ҳолатда нима қилишим мумкинлигини билмайман. Мен машғулотларда иштирок этяпман ва майдонга тушишга тайёрман.

Ҳозирги ҳолатимдан қониқиш ҳосил қилмаяпман. Бутун фаолиятим давомида ўйнамасдан пул топиш ҳақида ўйлаб ҳам кўрмаганман. Ҳозир ҳам бундай фикрда эмасман. Келажакда нима бўлишини кўрамиз. Мен тайёрман, яхши шуғулланяпман ва кутяпман. Менда танлов имконияти йўқ», – деди Пьянич "La Gazzetta dello Sport" нашрига берган интервьюсида.

Пьянич жорий мавсумда "Барса" сафида барча мусобақалар доирасида 11та ўйинда майдонга тушди. Улардан бештасида у захирадан туширилди.