Англиянинг "Манчестер Юнайтед" клуби бош мураббийи Оле-Гуннар Сульшер ЕЧЛнинг 6-тур доирасида Германиянинг "Лейпциг" клубига қарши бўлиб ўтадиган учрашув ҳақидаги фикрлари билан ўртоқлашди.
- Плей-офф ўйинлари ёки мана шундай ўйинлар жуда муҳим. Бу ерда жамланган барча футболчилар - керакли фазилатларга эга "Манчестер Юнайтед" футболчилари. Биз мана шундай ўйинлар билан яшаяпмиз. Биринчи ўйин ҳақида ўйламаслик мумкинмас. У ўйин ҳақида илиқ хотирларимиз бор, чунки биз кўплаб ишларни амалга оширгандик. Биз яхши тайёргарлик кўрдик ва "Лейпциг" клубини яхши биламиз. Уларнинг олдиндан айтиб бўлмайдиган ишларни қилиши биз учун таниш, - Сульшернинг сўзларидан иқтибос келтирмоқда УЕФА расмий сайти.
