Франциянинг «Ренн» ҳамда Франция терма жамоаси ярим ҳимоячиси Эдуардо Камавинга Мадриднинг «Реал» клубига ўтишга яқин турибди. Бу ҳақда Испания матбуоти хабар тарқатмоқда. Ушбу трансфер январь ойидаёқ амалга ошиши мумкин.
Қайд этилишича, «Ренн» раҳбарияти футболчининг бошқа жамоага ўтишига тўсиқ қўймайди. Клуб Камавингани қўйиб юборишга тайёр, лекин катта миқдорда товон пули талаб қилмоқда. «Ренн» раҳбарияти 17 ёшли футболчининг трансферидан камида 50 миллион евро ишлаб олиш ниятида.
Аввалроқ, Камавинга учун «Манчестер Юнайтед» клуби ҳам курашга қўшилгани ҳақида хабарлар тарқалганди.
