ЕЧЛнинг 6-тур доирасида Франциянинг «ПСЖ» клуби ўз майдонида Туркиянинг «Истанбул» клубини қабул қилмоқда.
Айни пайтда учрашувнинг 23-дақиқаси ўтиб бораётганди, бироқ, туркияликлар футболчиси Демба Ба нисбатан ирқчилик руҳдаги муносабат бўлгани учун ўйин тўхтатилди.
Тахминларга кўра, ҳакамлардан бири Бага нисбатан "негр" сўзини ишлатган. Бу эса умумий норозиликни келтириб чиқарди. Натижада "Истанбул" футболчи ва мураббийлар майдонни тарк этишди. Уларнинг ортидан эса "ПСЖ" ҳам майдонни тарк этди.
Ўйин давом этадими ёки йўқми, номаълум. Футболчиларнинг майдонга қайтмасликлари эҳтимоли 90 фоизни ташкил этади.
