UFCнинг енгил вазндаги чемпиони Ҳабиб Нурмагомедов Европа чемпионлар лигаси гуруҳ босқичининг сўнгги тури олдидан «Реал»га омад тилади.

Россиялик спортчи инстаграмдаги ўзининг саҳифасига "B" гуруҳи жадвалини қўйиб: «Бу гуруҳда қизғинлик даҳшатли даражада. Олға, «Реал», дея ёзди.

Мадридликлар 7 очко билан гуруҳда 3-ўринни эгаллаб туришибди. «Шахтёр» ҳисобида ҳам 7 очко мавжуд. Менхенгладбахнинг «Боруссия» клуби эса 8 очко билан пешқадам бўлиб турибди.

Бугун «Реал» ўз майдонида «Боруссия»ни қабул қилса, «Интер» ўз уйида «Шахтёр» билан тўқнаш келади. Зидан жамоаси плей-оффга чиқиш учун бугун ғалаба қозониши керак. "Мадрид" бугун дуранг ўйнаса, "нерадзурри" донецкликларни мағлуб этган тақдирда, "Қироллик клуби" 2-ўрин билан плей-оффга йўл олади.

«Боруссия» билан ўйиндаги мағлубият эса "Реал"ни плей-офф босқичидан маҳрум қилади.