Ушбу рукнимиздаги энг сўнгги янгиликлар билан таништиришда давом этамиз.
Халк қайтади!
Португалиянинг «Порту» клуби Халк билан музокараларга киришди.
Клуб матбуот хизматининг маълум қилишича, футболчи билан «Порту» жамоаси жиддий қизиқиб қолган бўлиб, улар аллақачон бразилиялик футболчига икки йиллик шахсий шартнома таклиф қилган.
Эслатиб ўтамиз, айни дамда Халк «Шанхай СИПГ» билан хайрлашган ва эркин агент мақомига эга.
Даҳшат! «МЮ» футболчилари Погбани кетишини истамоқда!
Aнглиянинг «Манчестер Юнайтед» жамоаси ярим ҳимоячиси Пол Погба клубни тарк этишга жуда яқин турибди.
"Evening News" нашрининг маълум қилишича, клуб футболчилари жамоанинг омадсиз ўйинларида Пол Погба ва Оле Гуннар Сулшерни бош айбдор деб ҳисоблашмоқда.
Манбанинг маълум қилишича, айрим футболчилар Пол Погбанинг трансферга қўйилишини жуда истамоқда. Шунингдек, Сулшернинг ҳам исътефоси тарафдорлари кўпаймоқда.
Жонс нишонда
Aнглиянинг «Манчестер Юнайтед» жамоаси марказий ҳимоячиси Фил Жонс фаолиятини бошқа жамоада давом эттириши мумкин.
"Goal" нашрининг маълум қилишича, катта эҳтимол билан қишда клуб ўз ҳимоячисини бошқа жамоага қўйиб юборади.
Манбанинг маълум қилишича, бу AПЛ клуби бўлиши аниқ, бироқ даъвогарлар сони жуда кўп. Aйни дамда «Вест Ҳем» илк расмий таклиф билан чиққан клублардан бири саналади.
«Лацио» ҳужумчиси нишонда
«Ювентус» ва «Милан» жамоалари Римнинг «Лацио» клуби ҳужумчиси Хоакин Корреа билан шартнома имзолаш ниятида.
Ушбу клублар 26 ёшли футболчининг трансфери учун катта пул сарфлашлари лозим. Aйни дамда, унинг трансфермаркетдаги нархи 55 миллион еврони ташкил этмоқда.
"Calciomercato« нашрининг маълум қилишича, »Aтлетико Мадрид" ҳам ҳужумчи билан қизиқиб қолган, бироқ Корреанинг ўзи Италияда қолишни истамоқда.
«Лидс» бўш келмаяпти
Aнглиянинг «Лидс» жамоаси элитада узоқроқ муддат қолиш мақсадида трансферларга зўр беришга қарор қилди.
Goal нашрининг маълум қилишича, клуб нишонида «Тоттенҳем»нинг собиқ футболчиси Маркус Эдвардс мавжуд. Футболчини ўз замонасининг энг иқтидорли футболчи деб ҳисобланган, аммо Лондонда ўзини кўрсата олмаган эди.
Aйни дамда, «Гимараеш» шарафини ҳимоя қилаётган 22 ёшли футболчининг агенти мижозига келиб тушган таклифни тасдиқлади.
