Англиянинг "Манчестер Юнайтед" клуби ҳужумчиси Маркус Рашфорд жамоасини ўзгартириш ҳақида ўйламаяпти. Ёш ҳужумчининг сўзларига кўра, унга «Манчестер Юнайтед» ёқади, у клубга чинакам содиқ ва "Олд Траффорд"да катта ютуқларга эришмоқчи.

«Мен ўзимни фақат «Манчестер Юнайтед» билан боғлайман. Болалигимда ҳеч қачон "Манчестер Юнайтед"дан бошқа жамоани ўйламаганман. Бошқа жамоанинг формасини кийишни хоҳламайман. Умид қиламанки, мен бу ерда узоқ вақт бўламан. Мен клубга катта фойда келтирмоқчиман, жуда катта ғалабаларга эришмоқчиман.

Клуб менга болалигимда катта ёрдам берди, онамга ёрдам берди. "Манчестер Юнайтед" билан алоқам одамлар кўрган нарсаларга қараганда анча чуқурроқ.

"Манчестер Юнайтед" менинг футболчи бўлишимга сабаб бўлди, улар менга ўзимни намоён этиш имкониятини беришди", - деди Маркус.