Англия матбуотининг ёзишича, Лондоннинг "Арсенал" клуби раҳбарияти мураббийлар штабидан керак бўлмаётган Виллианни қишки трансфер бозорида сотиб юбормоқчи эканлиги ҳақида ёзмоқда.
Виллиан Лондоннинг "Челси"сидан "Арсенал"га ўтганидан кейин ўз ўрнини йўқотди.
Хабарда айтилишича, "Арсенал" раҳбарияти Виллиан даражасидан норози, чунки футболчи муаммоли позицияни кучайтириш учун сотиб олинган. Жорий мавсумда АПЛнинг ўнта ўйинида Виллиан битта ҳам гол урмади ва учта голли пас берди.
"Арсенал" январь ойида 32 ёшли ярим ҳимоячини сотиш ҳақида ўйламоқда. Ўз навбатида Виллиан ҳам буни хоҳламоқда.
Ҳозирча "канонирлар" Испаниянинг "Бетис"ни харидор сифатида кўриб чиқмоқда, аммо Испания клуби Виллиан хоҳлаётган маблағни тўлай олмаслиги мумкин.
