Ушбу рукнимиздаги энг сўнгги янгиликлар билан таништиришда давом этамиз.

Сенси кетадими?

Миланнинг «Интер» жамоаси ярим ҳимоячиси Стефан Сенси фаолиятини бошқа жамоада давом эттирмоқчи.

Италия нашрлари берган маълумотларга қараганда, футболчи кўпроқ ўйин амалиётига эга бўлишни истамоқда. Шу боис, бошқа клуб сафига ижара асосида йўл олишга ҳам тайёр.

Маълумотларга қараганда, «Интер» Сенсини сотиб юбормоқчи эмас. Ҳозирда, икки томон ўртасида музокаралар кетмоқда.

Пикега ўринбосар изланмоқда

Каталониянинг «Барселона» жамоаси марказий ҳимоячи излашда давом этади.

"Маrcа« нашрининг маълум қилишича, жамоа қишда »Марсел" ҳимоячиси Aбубакар Камарани қўлга киритиши мумкин.

Манбанинг маълум қилишича, Каталония клуби Камарани анчадан бери кузатиб юрибди. Ҳатто уни, ўспиринлик чоғида ҳам Каталонияга таклиф қилишган эди.

Aлабага кимлар даъвогар?

Мюнҳеннинг «Бавария» жамоаси марказий ҳимоячиси Давил Aлаба ўзи билан қизиқаётган жамоалар номини ошкор қилди.

Футболчининг агенти берган хабарларга кўра, улар айни дамда «Реал», «Бавария», «Челси» ва ПСЖ клублари билан музокаралар олиб бормоқда.

Эслатиб ўтамиз, йил якунида Aлабанинг клуб билан тузган шартномаси ўз якунига етади.

«Юве»га Ўзил керак эди

Туриннинг «Ювентус» жамоаси бир неча бор Месутни қўлга киритиш учун кураш олиб боргани маълум бўлди.

Италия нашларининг маълум қилишича, «зебралар» нақд беш бор германиялик футболчи билан алоқага чиқишган, аммо шахсий шартнома борасида келиша олишмаган.

Aйни дамда, «Юве» Ўзил учун 6 бор уриниб кўради, бироқ унинг маоши жуда катта эканлиги бунга йўл қўймаслиги мумкин.

«Интер»дан сукут

Миланнинг «Интер» жамоаси қишки трансфер ойнаси чоғида ҳеч қандай харидни амалга оширмоқчи эмас.

Италия нашрларининг маълум қилишича, агар клуб ЕЧЛнинг плей-офф босқичига чиққанида, раҳбарият 100 миллион евро ажратмоқчи эди, бироқ жамоа гуруҳда қолиб кетган инвестициядан воз кечилди.

Эслатиб ўтамиз, «Интер» ЕЧЛнинг сўнгги турида «Шахтёр»ни енга олмади ва 4-ўринда қолиб кетди.