Ushbu ruknimizdagi eng so‘nggi yangiliklar bilan tanishtirishda davom etamiz.
Sensi ketadimi?
Milanning «Inter» jamoasi yarim himoyachisi Stefan Sensi faoliyatini boshqa jamoada davom ettirmoqchi.
Italiya nashrlari bergan ma’lumotlarga qaraganda, futbolchi ko‘proq o‘yin amaliyotiga ega bo‘lishni istamoqda. Shu bois, boshqa klub safiga ijara asosida yo‘l olishga ham tayyor.
Ma’lumotlarga qaraganda, «Inter» Sensini sotib yubormoqchi emas. Hozirda, ikki tomon o‘rtasida muzokaralar ketmoqda.
Pikega o‘rinbosar izlanmoqda
Kataloniyaning «Barselona» jamoasi markaziy himoyachi izlashda davom etadi.
"Marca« nashrining ma’lum qilishicha, jamoa qishda »Marsel" himoyachisi Abubakar Kamarani qo‘lga kiritishi mumkin.
Manbaning ma’lum qilishicha, Kataloniya klubi Kamarani anchadan beri kuzatib yuribdi. Hatto uni, o‘spirinlik chog‘ida ham Kataloniyaga taklif qilishgan edi.
Alabaga kimlar da’vogar?
Myunhenning «Bavariya» jamoasi markaziy himoyachisi Davil Alaba o‘zi bilan qiziqayotgan jamoalar nomini oshkor qildi.
Futbolchining agenti bergan xabarlarga ko‘ra, ular ayni damda «Real», «Bavariya», «Chelsi» va PSJ klublari bilan muzokaralar olib bormoqda.
Eslatib o‘tamiz, yil yakunida Alabaning klub bilan tuzgan shartnomasi o‘z yakuniga yetadi.
«Yuve»ga O‘zil kerak edi
Turinning «Yuventus» jamoasi bir necha bor Mesutni qo‘lga kiritish uchun kurash olib borgani ma’lum bo‘ldi.
Italiya nashlarining ma’lum qilishicha, «zebralar» naqd besh bor germaniyalik futbolchi bilan aloqaga chiqishgan, ammo shaxsiy shartnoma borasida kelisha olishmagan.
Ayni damda, «Yuve» O‘zil uchun 6 bor urinib ko‘radi, biroq uning maoshi juda katta ekanligi bunga yo‘l qo‘ymasligi mumkin.
«Inter»dan sukut
Milanning «Inter» jamoasi qishki transfer oynasi chog‘ida hech qanday xaridni amalga oshirmoqchi emas.
Italiya nashrlarining ma’lum qilishicha, agar klub YECHLning pley-off bosqichiga chiqqanida, rahbariyat 100 million yevro ajratmoqchi edi, biroq jamoa guruhda qolib ketgan investisiyadan voz kechildi.
Eslatib o‘tamiz, «Inter» YECHLning so‘nggi turida «Shaxtyor»ni yenga olmadi va 4-o‘rinda qolib ketdi.
