Англиянинг «Манчестер Юнайтед» клуби ярим ҳимоячиси Бруну Фернандеш АПЛнинг ноябрь ойидаги энг яхши футболчиси бўлди. Португалиялик футболчи совринни қабул қилиб олгач, ўз фикрларини билдирди.
«Ҳатто бундай совринларни биттасини қўлга киритиш қийин, шунинг учун мен учинчи марта бу совринни қўлга киритганимдан фахрланаман.
Қачонги Премьер-лигада ғалаба қозонсам, шунда хурсанд бўламан. Англияга, мана шундай буюк клубга келишдан асосий мақсад - чемпион бўлиш. Ўйлайманки, АПЛда ғолиб чиқиш учун бизда ҳали имконият бор», - Фернандешнинг сўзларидан иқтибос келтирмоқда АПЛ расмий сайти.
