Лондоннинг "Тоттенхэм" клуби бош мураббийи Жозе Моуриньо Зинедин Зидан истеъфога чиқарилганидан сўнг, Мадриднинг "Реал" клубига қайтиши мумкин.
Аввалроқ Маурисио Почеттино Зиданнинг ўрнини эгаллаши мумкин бўлган ягона номзод сифатида тилга олинаётганди. Бироқ, бугун Испания матбуотининг тарқатган маълумотига қараганда, «қаймоқранглилар» президенти Флорентино Перес Жозе Моуриньони ортга қайтариш вариантини кўриб чиқмоқда. Ҳаттоки, Перес португалиялик мураббий билан телефон орқали суҳбатлашишга ҳам улгурган.
Қайд этилишича, Моуриньо «Реал»га қайтиш ниятида бор эканлигини билдирган, бироқ, ҳозирда у бор эътиборини «Тоттенхэм» билан совринларни қўлга киритишга қаратганини ҳам яширмаган.
Моуриньо "шпорлар" билан жорий мавсум Премьер-Лигада ғолиб чиқишга ишонаётганини билдирмоқда.
Эслатиб ўтамиз, Моуриньо «Реал» клубида 2010 йилдан 2013 йилгача фаолият олиб борган.
