"Қизилқум" бош мураббийи Ҳамиджон Актамов "Пахтакор"га қарши (0:1) ўйиндан кейинги матбуоти анжуманида қатнашиб, саволларга жавоб бериб ўтди.
– Бугун қизиқарли ўйин гувоҳи бўлдик. Яна ҳакамлар ҳақида гапиришга мажбурман, улар рақибга ён босаверади. Танташев бир нечта вазиятда хато қилди ва ўйинни бузиб қўйди. Бундай учрашувларда биргина хато ўйин тақдирини ҳал қилади. Мағлубиятга муносиб эмасдик.
Биз 10-турдан кейин таркибни янгиладик, агар йил бошидан шу таркибда ўйнаганимизда камида кучли учликда бўлардик. Жамоа энди футбол тўйнашни бошлаганда, чемпионат тугаб қолди. Келаси йил яхшироқ натижа қайд этишга ҳаракат қиламиз.
Ҳакам айбдор. Рефери ҳар бир 50га 50 вазиятда ўйинни тўхтатяпти. Охиригача курашишга имкон бериш лозим. Ўйнагани умуман қўймади. Уларнинг ҳам бола чақаси бор... Тўғри, "Пахтакор" чемпиони, аммо бугунги баҳсда "Пахтакор"ни танимадим.