Англиянинг «Манчестер Сити» ва Украина терма жамоаси аъзоси Александр Зинченко «Вулверхэмптон» қизиқишлари доирасида турибди. Daily Star нашрининг тарқатган маълумотига қараганда, «бўрилар» қишки трансфер ойнасида ушбу ҳимоячини сотиб олишга ҳаракат қилиб кўради.

Қайд этилишича, «Вулверхэмптон» бош мураббийи Нуну Эшпириту Сантуга Зинченконинг ҳимояда ҳам, майдон марказида ҳам кўрсатадиган ўйини ёқади.

Александр Зинченко жорий мавсумда «Манчестер Сити»нинг барча мусобақалардаги бешта ўйинида майдонга тушди. У Премьер-лигада атиги битта учрашувда майдонга тушиб, 12 дақиқа ўйнади. Шу сабабли, кўпроқ ўйин амалиётига эга бўлишни хоҳлаётган Зинченко январбь ойида жамоасини ўзгартириш мумкин.