Мадриднинг "Реал" клуби ҳимоячиси Даниэль Карвахаль "Атлетико" (2:0) устидан қўлга киритилган ғалаба ҳақидаги фикрлари билан ўртоқлашди.
"Учта жиддий учрашувда ғалабали серияни давом эттирганимиздан хурсандмиз. Аввалига "Севилья" билан, кейин ЕЧЛ доирасида "Боруссия" (М) билан, энди бўлса "Атлетико" устидан муҳим ўйинда ғалаба қозондик. Биз учта ўйинда тўққиз очко жамғардик, лекин бу етарли эмас, биз ғалабали серияни давом эттиришимиз керак. Умид қиламизки, шу руҳда давом этамиз ва ҳар бир учрашувда ғалаба қозонишга ҳаракат қиламиз", - Карвахалнинг сўзларидан иқтибос келтирмоқда "Реал" расмий сайти.
