Каталониянинг «Барселона» клуби ҳозирги пайтда Мюнхеннинг «Бавария» ҳимоячиси Давид Алаба билан шартнома имзолай олмайди, дея хабар тарқатмоқда Mundo Deportivo.
Алаба ёзда йилига 10 миллион евро маош тўлай оладиган клуб билан шартнома имзолаш ниятида. Шунингдек, 15 миллион евро кўтарма пули ҳам талаб қилмоқда. Бироқ, бу талаб каталонияликларни қониқтирмаяпти.
Аввалроқ, «Барселона» клуби молиявий қийинчиликларни бошдан кечираётгани сабабли, ҳаражатларни 300 миллион еврога камайтириш мақсадида футболчилар билан маошларни қисқартиришга келишиб олгани ҳақида хабарлар тарқатилганди.
