Le Parisien нашрининг тарқатган маълумотига қараганда, Франциянинг "Лион" клуби футболчиси Мемфис Депай "ПСЖ" клубига кўчиб ўтиши мумкин.

26 ёшли нидерландиялик футболчининг январь ойида Парижга кўчиб ўтиши кутилмоқда. Хабарда айтилишича, «ПСЖ» етакчилари - Неймар ва Килиан Мбаппелар жамоа таркибида рақобат кўрсатиш учун Депайдек футболчи келишига қарши эмас.

Жорий мавсум Мемфис Депай «Лион» таркибида 13 та ўйин ўтказди ва 6 та гол киритиб, 4 та голга ассистентлик қилди.

Аввалроқ, Депайни Каталониянинг "Барселона" клуби ўз сафига қўшиб олиш учун фаол ҳаракат қилаётгани ҳақида хабарлар тарқалганди.