Англиянинг "Манчестер Юнайтед" клуби собиқ футболчиси Патрис Эвра бир марта Тьерри Анри "Арсенал" ўйинини томоша қилишдан бош тортганини, чунки, ўша ўйинда Гранит Жака жамоа сардори сифатида майдонга тушгани сабаб бўлганини айтиб берди.
"Қисқа тарихни айтиб бераман. Бир марта Тьерри Анри мени ўз уйига таклиф қилди ва "Арсенал" ўйинини томоша қилишимизни айтди.
"У телевизорни ёқди ва биринчи кадр жамоани сардор сифатида Жака майдонга олиб тушганини кўрсатиши билан Анри телевизорни ўчириб қўйди.
"Ундан нима бўлганини сўрадим. У эса ўз жамоасида Жака сардор этиб тайинланганини кўра олмаслигини айтди. У шунчаки телевизорни ўчириб қўйди ва биз ўйинни кўра олмадик", — деди Эвра Sky Sports билан суҳбатда.
