Франциянинг «Лион» клуби ярим ҳимоячиси Тьяго Мендес кутилмаганда жароҳат етказиб қўйган рақиби - «ПСЖ» ҳужумчиси Неймардан кечирим сўради.
«Неймардан кечирим сўрамоқчиман. Умид қиламанки, унда ҳаммаси жойида. Мен унга умуман зарар етказишни хоҳламагандим. Барчамиз Неймарни дунёнинг энг яхши футболчиларидан бири эканлигини биламиз. Барча бразилиялик каби, мен ҳам унинг ўйинларидан илҳомланаман ва умид қиламанки, унинг жароҳати жиддий эмас. Унинг тезроқ соғайишини ва мухлисларни хурсанд қилишини хоҳлайман. Яна бир бор узр сўрайман», - деди Мендес ўзининг «Инстаграм»даги расмий саҳифасида.
