Каталониянинг «Барселона» клуби бош мураббийи Рональд Куман ЕЧЛнинг 1/8 финал босқичи учун ташланган қуръа ҳақидаги фикрлари билан ўртоқлашди.
«Нима бўлган тақдирда ҳам, рақиб кучсиз бўлмаслигини тушуниб тургандик. Аммо, мен икки клубнинг ҳам имкониятлари тенг деб ҳисоблайман. «ПСЖ» - ғалаба қозонишни истайдиган ва мусобақанинг бош соврини учун кураш олиб боришни хоҳлайдиган жамоа эканлигини тушуниб турибмиз. Лекин, биз ҳам улар хоҳлаётган нарсани истаймиз», - Куманнинг сўзларидан иқтибос келтирмоқда «Барселона» расмий сайти.
«Барселона» ҳамда «ПСЖ» жамоалари ўртасидаги дастлабки учрашув Испанияда бўлиб ўтади.
