Франциянинг France Football нашри Лев Яшинни футбол тарихининг энг яхши дарвозабони деб топди.

Бу соврин учун Яшиндан ташқари Жанлуиджи Буффон, Мануэль Нойер, Дино Дзофф, Эдвин ван дер Сар, Петер Шмейхель, Тома Н'Коно, Зепп Майер, Икер Касильяс ва Гордон Бэнксларнинг ҳам номлари кураш олиб борди.

France Football матбуот хизматининг тарқатган маълумотига қараганда, сўровномада 140 нафар журналист иштирок этди.

Эслатиб ўтамиз, Яшин «Олтин тўпни» қўлга киритган ягона дарвозабон саналади. У бутун футболчилик фаолиятини Москванинг «Динамо» клубида ўтказган ва жамоанинг афсонаси саналади.

Лев Яшин 1990 йили 60 ёшида вафот этган.