Туриннинг «Ювентус» клуби вице-президенти Павел Недвед ЕЧЛнинг 1/8 финал босқичи учун ташланган қуръа ҳақидаги фикрлари билан ўртоқлашди. "Ювентус" ушбу босқичда Португалиянинг "Порту" клуби билан ўйнайди.

«ЕЧЛнинг плей-офф босқичига йўл олиш ёқимли, лекин кейинги босқичларда қийин бўлади. Ҳар бир жамоа етарлича муаммо туғдириши мумкин. Биз буни ўтган йили «Лион» клубига қарши ўйинда кўрдик. «Порту»нинг мураббийини яхши биламан, у менинг жамоадошим бўлган. Португалияликлар жамоавий ўйинини яхши шакллантиришган. Бу иккита қийин ўйин бўлади. Эҳтимол, биз фаворит саналармиз, лекин биз бу ўйинга яхши формада ташриф буюришимиз керак. Биз «Барселона»га қарши кўрсатган ўйинимизни намойиш этишимиз керак, - Недведнинг сўзларидан иқтибос келтирмоқда «Ювентус» расмий сайти.