Италия матбуотининг тарқатган маълумотига қараганда, "Милан" ҳужумчиси Златан Ибрагимович бугун жамоанинг умумий машғулотларида иштирок этди. Сўнгги бир нечта учрашувни мушакларидаги муаммолар туфайли ўтказиб юборганди.
39 ёшли ҳужумчи 16 декарь куни Элдор Шомуродов жамоаси - «Женоа» клубига қарши бўладиган учрашувда майдонга тушиши мумкин.
Айни пайтда Ибрагимович А Серия тўпурарлик пойгасида Криштиану Роналду билан 10 тадан гол киритган ҳолда пешқадамлик қилишмоқда.
Жамоаси эса А Серияда карвонбошилик қилишда давом этмоқда. Ҳаттоки, "Милан" Ибрагимовичсиз ҳам "мағлубиятсиз серияси"ни давом эттирмоқда.
