Спорт арбитраж суди Россия президенти Владимир Путинни кейинги икки йил давомида Жаҳон чемпионатлари ва Олимпия ўйинларида қатнашишни тақиқлади.

Бу Москва учун антидопинг лабораториясининг маълумотлар базасидаги ўзгаришлар учун Россияга белгиланган жазонинг бир қисмидир.

CАС қарорида айтилишича, йирик турнирларга ташриф буюришни тақиқлаш бутун Россия ҳукуматига тегишли: вазирлар ва уларнинг ўринбосарлари, бош вазир ва унинг ўринбосарлари, давлат думаси депутатлари, шунингдек президент.

Шунингдек, давлат ташкилотлари раҳбарлари ва ўринбосарлари, бутун президент маъмурияти ва Россия Тергов қўмитаси ходимлари учун турнирларга ташриф буюриш тақиқланади.

Истиснолар фақат учта ҳолатда бўлиши мумкин:

- агар юқорида айтиб ўтилганлардан бирортаси мусобақа ўтказиладиган мамлакат президенти ёки бош вазири томонидан шахсан таклиф қилинган бўлса;

- агар Россия ҳукумати вакили Халқаро Олимпия Қўмитаси (ХОҚ) ёки Халқаро Паралимпия Қўмитаси (ХМК) аъзоси бўлса.

- агар ушбу вакил ўзи мусобақада қатнашадиган спортчи ёки жамоа аъзоларидан бири бўлса (масалан, мураббий).