Мадриднинг "Реал" футболчилари ФИФА талқини бўйича 2020 йилнинг энг яхши мураббийига қандай овоз бергани маълум бўлди.

Мадридликлар сардори Серхио Рамос ва ярим ҳимоячи Эден Азар биринчи ўринга қироллик клуби бош мураббийи Зинедин Зиданни, яримҳимоячи Лука Модрич эса франциялик мураббийни иккинчи ўринга белгилади.

Сентябр ойида "Тоттенхем"га ижарага берилган ярим ҳимоячи Гарет Бэйл Зиданни "Энг яхши учлик" рўйхатига киритмади.

Сўнгги пайтларда франциялик мураббий билан зиддиятга борган уэльслик футболчи Флик, ​​Юрген Клопп ("Ливерпуль") ва Хулен Лопетеги ("Севиля")ларни афзал кўрди.

Шуниси эътиборлики, Зидан "Йилнинг энг яхши мураббийи" номинацияси бўйича энг яхши учликка кира олмади.