Украина терма жамоаси бош мураббийи Андрей Шевченко футбол тарихидаги энг яхши футболчилар ҳақида фикр билдирди.

«Яшин – афсона, лекин уни ҳеч қачон кўрмаганман, қандай ўйин намойиш этганини шарҳлаб беришим қийин. Аммо, менимча, сўнгги йилллар мобайнида кўплаб журналистлар унга овоз беришди ва бу тўғри танлов бўлади деб ўйламан.

Ҳимояда сўзсиз - Мальдини ва Кафу. Мен бу икки афсонавий футболчилар билан бирга ўйнаганман, Паоло ва Кафулар – бу дунё футболининг тарихлари.

Энг яхши ҳужум жуфтлиги? Фикримча, менинг фаолиятим ажойиб тарзда ўтди, орзуларим амалга ошганидан хурсандман. Ўйлайманки, футбол тарихида жуда кўплаб яхши футболчилар бўлган. Ҳужум чизиғига Месси, Криштиану Роналду, Роналдо, Марадона, Пелеларни қўйиш тўғри бўлади. Буларнинг барчаси бошқалардан кўра кўпроқ футбол учун фойда олиб келган», – деди Шевченко ТК «Футбол» билан суҳбатда.