Англия чемпионатининг 14-тури доирасида «Тоттенхэм» ўз майдонида «Лестер»ни қабул қилиб, имкониятни бой берди.

Учрашувдаги илк хавфли вазият 41-дақиқада юзага келди. Бурчакдан етказилган узатмага Кейн 5-6 метрлардан зарба берди. Тўп эса шундоққинга тўсин устидан ўтиб кетди. Таймга қўшиб берилган дақиқаларда эса ҳакам VAR ёрдамида "Тоттенхэм" дарвозаси томон пенальти белгилади. Жейми Варди ундан самарали фойдаланиб, ҳисобни очди.

Иккинчи бўлим бошида Жеймс Мэддисон "Лестер"нинг иккинчи голини урганди, аммо VAR офсайдни қайд этди ва голни бекор қилди. Баҳснинг 60-дақиқасида эса "тулкилар" барибир иккинчи голни уришди. Олис масофадан етказилган тўпга Варди бош билан зарба берди. Тўп эса Тоби Алдервейрелднинг бошига тегиб, тўрга бориб тушди.

Ўйиннинг 72-дақиқасида Сон Хёнг Мин ҳисобни қисқартириши мумкин эди. Аммо яқин масофадан йўлланган зарбани Шмейхель қайтаришга муваффақ бўлди.

Ушбу ғалабадан кейин "Лестер" ўз очколарини 27тага етказиб, "Тоттенхэм"ни қувиб ўтган ҳолда 2-ўринга кўтарилиб олди. "Шпорлар"  эса кетма-кет иккита мағлубиятдан 4-поғонага тушиб қолди.

Англия премьер-лигаси, 14-тур
Тоттенхэм – Лестер 0:2 (0:1, 0:1)
Голлар: 0:1 – 45, пенальти Варди, 0:2 – 59, автогол Алдервейрелд.
Тоттенхэм – Льорис, Алдервейрелд, Регилон, Орье (Уинкс, 64), Дайер, Ло Чельсо (Лукас Моура, 49), Сиссоко, Хейбьерг, Ндомбеле (Бэйл, 46), Сон Хын Мин, Кейн.
Лестер – Шмейхель, Жастин, Эванс, Фофана, Кастань (Амарти, 60), Мэддисон, Тилеманс, Ндиди, Барнс (Прат, 84), Олбрайтон, Варди (Ихеаначо, 88).
Огоҳлантиришлар: Олбрайтон (32), Ндиди (72), Дайер (79), Уинкс (81).