Жорий мавсум "Андижон" жамоасида тўп сурган чап қанот ҳимоячиси Фарҳод Мираҳматов фаолиятини катта эҳтимол билан Тошкентнинг "Пахтакор" жамоасида давом эттиради.

"Андижон" клубидаги манбаларимизнинг етказган маълумотига қараганда, Мираҳматовга "Пахтакор" жамоаси жиддий қизиқиш билдирмоқда. Аслида тошкентлик бўлган Мираҳматов ҳам фаолиятини "шерлар" таркибида ўтказишга қарши эмас.

Шунингдек, Мираҳматовга Наманганнинг "Навбаҳор" жамоаси ҳам қизиқиш билдирмоқда.

Эслатиб ўтамиз, "Андижон" клубининг собиқ футболчилари олдидаги қарзи борлиги сабабли, ФИФА "Андижон"га янги мавсумда трансферни амалга оширишга таъқиқ қўйган.