"Тоттенхэм" бош мураббийи Жозе Моуриньо Англия чемпионатининг 14-тури доирасида "Лестер"га қарши ўйин (0:2) борасида ўз фикрини билдириб ўтди.

"Биз учрашувнинг стартини яхши бошлай олмадик. Мен айрим ўйинчиларнинг номини айтишим мумкин, аммо бундай қилмайман. Биз рақибга бўш ҳудуд қолдирдик. Жамоа ишлатган прессинг ва футболчилардаги иштиёқ менга ёқмади. Кейинроқ ўйинни ўзгартирдик ва мослашдик. Ташаббусни қўлга киритдик ва вазиятлар яратдик. Аммо танаффусга 0:0 ҳисоби билан чиқиб кетиш ўрнига пенальти туфайли 0:1га эга бўлдик.

Иккинчи бўлимда "Лестер" бизга муаммо яратмади. Фақат Алдервейрелднинг автоголини айтмасак, тилга олишга арзийдиган нарсани эслолмаяпман. Шунингдек, Шмейхель ажойи сэйв намойиш этди. Биз 15та вазият ярата олмадик, "Лестер" яхши ҳимояланди.

Ўйинимиз идеалдан узоқ бўлди, лекин рақиб ғалабага ҳақли эмасди ёки биз мағлубиятга муносиб эмасдик. Шунчаки биз ёмон футбол намойиш этдик", - деди Моуриньо.