"Tottenxem" bosh murabbiyi Joze Mourinyo Angliya chempionatining 14-turi doirasida "Lester"ga qarshi o‘yin (0:2) borasida o‘z fikrini bildirib o‘tdi.

"Biz uchrashuvning startini yaxshi boshlay olmadik. Men ayrim o‘yinchilarning nomini aytishim mumkin, ammo bunday qilmayman. Biz raqibga bo‘sh hudud qoldirdik. Jamoa ishlatgan pressing va futbolchilardagi ishtiyoq menga yoqmadi. Keyinroq o‘yinni o‘zgartirdik va moslashdik. Tashabbusni qo‘lga kiritdik va vaziyatlar yaratdik. Ammo tanaffusga 0:0 hisobi bilan chiqib ketish o‘rniga penalti tufayli 0:1ga ega bo‘ldik.

Ikkinchi bo‘limda "Lester" bizga muammo yaratmadi. Faqat Alderveyreldning avtogolini aytmasak, tilga olishga arziydigan narsani eslolmayapman. Shuningdek, Shmeyxel ajoyi seyv namoyish etdi. Biz 15ta vaziyat yarata olmadik, "Lester" yaxshi himoyalandi.

O‘yinimiz idealdan uzoq bo‘ldi, lekin raqib g‘alabaga haqli emasdi yoki biz mag‘lubiyatga munosib emasdik. Shunchaki biz yomon futbol namoyish etdik", - dedi Mourinyo.