«Арсенал» клуби Англия премьер-лигасидан тушиб кетадиган бўлса, ўйинчиларнинг маоши анча қисқартирилади. Бу ҳақда "Daily Mail" хабар тарқатди.
Манбага кўра, бундай ҳолатда футболчилар 25 фоиз маошдан маҳрум бўлишади.
«Канонирлар» АПЛнинг жорий мавсумида 14та ўйиндан сўнг 14 очко билан жадвалда 15-поғонани эгаллаб турибди. Жамоани хавфли ҳудуддан 4 очко ажратиб турибди.
«Арсенал» Англия чемпионатининг навбатдаги турида «Челси»ни қабул қилади. Учрашув 26 декабрь куни бўлиб ўтади.