Англия терма жамоасининг собиқ ҳужумчиси ва ҳозирда футбол мутахассиси Гари Линекер ўзининг твиттердаги саҳифасида Лионел Мессининг бир клуб учун гол уриш борасида бразилиялик Пеленинг рекордини янгилашига муносабат билдирди.

- Лионел Месси ўзининг "Барселона" сафидаги 644-голини урди. У Пеленинг бир клуб сафида энг кўп гол уриш бўйича рекордини янгилади. Бу ҳеч ким такрорлай олмайдиган ютуқ. Уни энди бошқа ҳеч ким янгилай олмайди.

- Мессининг рекордини янгилаш учун кимдир битта клуб учун 15 йил давомида ҳар мавсумда ўртача 43 та гол уриши керак бўлади - деб айтиб ўтди Линекере ўз твиттер саҳифасида.

Эслатиб ўтамиз, "Барселона"нинг 33 ёшли аргентиналик ҳужумчиси учрашувнинг 65-дақиқасида "Валядолид" дарвозасини ишғол қилиб, битта клуб учун голлар сони бўйича афсонавий бразилиялик Пеленинг рекордини ортда қолдирди. Эндиликда Мессида 644 та гол, Пеледа эса 643 та гол мавжуд.