Италиянинг «Милан» клуби бош мураббийи Стефано Пиоли «Лацио» устидан қўлга киритилган ғалабадан кейин ўз фикрларини билдирди.
«Биз ҳам доим ғалаба қозонишга ҳаракат қиламиз. Жуда бахтиёрман. Ўз жамоам билан фахрланаман. Улар ақлбовар қилмас ишларни амалга оширишмоқда.
«Лацио» - шубҳасиз яхши жамоа. Бизда ғалаба қозониш учун имконият бўлди ва биз улардан фойдаландик.
«Милан» кўплаб ўйинларда ғалаба қозонмоқда, чунки таркибимизда кучли футболчилар бор, мен уларни бошқа футболчиларга алмаштирмайман. Хакан Чалханоглу ўзининг техник фазилатларини ишга солмоқда, у фантастик футболчи, у нима қилиш кераклигини жуда яхши билади.
Албатта, бизга Златан етишмаяпти. У сафга қайтса, албатта янада кучлироқ бўламиз», - деди Пиоли.
