«Милан» ҳимоячиси Тео Эрнандес клуби жорий йилни ажойиб натижа билан якунлаганидан хурсанд.
У кеча «Лацио»га қарши баҳсда ғалаба голини киритди ва жамоасининг йил сўнггида А Серия пешқадами бўлишига муҳим ҳисса қўшди.
«Бу жуда муҳим гол эди. Афсуски, йилнинг ажойиб якунида мухлислар биз билан бирга эмас эди. "Лацио" балки кўпроқ ҳужум қилгандек туюлгандир. Аммо, биз охиригача курашдик ва ғолиб бўлдик.
Мени якунда Малдини ёнимга келиб қучоқлагани тўлқинлантириб юборди. Унинг даражасига чиқиш учун тинимсиз ҳаракат қиламан. Ўзига хос 2020 ва Малдинидан табрик.. Буларнинг барчаси ажойиб», дейди Тео.
Айни пайтда «россонерилар» 14 учрашувдан сўнг 34 очко жамғариб, турнир жадвалини бошқаришмоқда.
